Nujang nangkamarai, aints ainau ataksha yujararmiayi. Tura mash nungkanam pujusar, kichik chichamnak chichau armiayi. Tura asar chikich nungkanam wear, nungka nekas pengkeran wainkarmiayi. Tura nuna wainkar nuni pujusarmiayi. Tura asar mai nuwamtak chichainak:
—Watska, nuwe nanerar jea jeamkarmi. Tura jea nekas juun yurangkim antitak jeamkarmi. Tura iisha mash iruntrar juun yaktanam pujusarmi. Nu turakrikia kanakchatatji, —tiarmiayi. Nuna tusar juun jea ningki nintimsar iruntrar najaninamtai, Yus nuna jiis chichaak:
—Juni aints untsuri matsatinawai, tura mash nu chichamnak chichau ainawai. Tura asar mash iruntrar juun jean jeamkartas nangkamawari, tura tuke tunau nintimin asar, ni wakeramurin najantan pengké inaisachartinuitai, —Yus timiayi. Tura asa aintsu chichamen aneachmau pachimramiayi. Turamtai aints ainau aujnainaksha anturnaikiacharmiayi. Tura aints ainau chikich aintsu chichamen anturnainachak, juun jean jeaminayat ukukiarmiayi. Tura kanakar chikich chikich nungkanam wearmiayi. Tura nu juun yaktan jeamkartas wakeriarmia nuna naaringkia Babel ayayi.
Source: Las Escrituras en Achuar-Shiwiar del Perú. La Liga Bíblica, 2008.
Contributed by Wolfgang Kuhl
Information about Achuar-Shiwiar | Tower of Babel
Achuar-Shiwiar, Aguaruna, Huambisa
[top]
You can support this site by Buying Me A Coffee, and if you like what you see on this page, you can use the buttons below to share it with people you know.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com
[top]
