The Tower of Babel (Genesis 11: 1-9)
Tsêhést (Cheyenne)
- Nėhe'xóvéva netao'o vo'ėstaneo'o mó'ȯhkėséešenėstsėhevóhe.
- Hósėstse vo'ėstaneo'o tsénėšenáameaseehevȯse, móstaame-tsėhe'ėhehevóhe hénėhéóhe éše'he tséhne'ȯhkėhésemé'éhnėse. Móstȧho'eohtsé'tȯhenovóhe tósa'e tséspévetóhtoonóma'o'etse Babylon mó'ȯhkėstóhehanetséhe. Móstȧhámȯhtsėhnėhevóhe, móstavo'ėstanéhevėhevóhe hénėhéóhe.
- Naa nėhe'še móstsėhehevóhe, "Naa nómonėhe'še, nėstȧhotse'ótone vóetséna'e. Naa nėstȧhonótone ta'e ma'éšėhe'konėho'honáeveotsėstse.
- Naa nėstavé'šemanėstsénone mȧhoéve'ho'éno naa anȯhónoestȯtse tsésto'sėhésėháóénátse. Héne anȯhónoestȯtse tsetaoseehoháa'é-ho'oesta a'e he'amo'omééno, naa komááhe nėstatšėheše-mano'evo'ėstané-hévémáne mȧ ve'ho'éno. Naa nėstano'mȧhehéne'enó-seonévémáne tsésto'se-no'kevo'ėstanéhévétse hétsėhéóhe.
- Naa nėhe'še Ma'heo'o tséhne'anȯhevéhóóhto héne mȧhoéve'ho'éno naa anȯhónoestȯtse tséoseeháa'ého'oes-tatse tséto'seohkėhésė-háóénávȯse tsé'tóhe vo'ėstaneo'o,
- móstšėhešetanȯhéhe, "Násáaxaeho'ȧhévóhe tsé'tóhe vo'ėstaneo'o tséhešévévȯse. Eno'kóvȧheo'o naa émȧhe-šéešenėstseo'o. Naa móéšeáahtse'tsėhetaa'manėšévaenȯhenovóhe. Naa tsetȧhósetónėšévėsesto? Tsetaohkėhósenėhešéveo'o taamááhe tséhešetanóvȯse. Hova'éhe móme'évȧhósėhótsėhétsėhetanánóvo, tsėhoháatamaaheo'o.
- Táaxa'e, nátaanȯheohe naa nátȧhénetȧhévė-nėstsé'sėhoo'o nonohpa tseohkėsáa'évȧhéne'enóhénóvo nonáme'tó'e tséhévȯse," móxhehéhe Ma'heo'o.
- Naa nėhe'še móstatóxeméahénotóhe tsé'tóhe vo'ėstanóho netao'o hénėhéóhe ho'eva. Naa móstanėhešeénemanėstsėhenovóhe héne mȧhoévo'ho'éno.
- Naa hénėhéóhe Babyon Tsehmȧhenétȧhéve-nėstséotsévȯse, mo'ȯhkenėhešėtsėhésevéhehanéhe, tséxhomá'xe-onétȧhévenėstsé'séóhtse vo'ėstanóho Ma'heo'o.
Information about Cheyenne |
Phrases |
Numbers |
Tower of Babel
Tower of Babel in Algonqian languages
Cheyenne,
Massachusett,
Míkmaq,
Ojibwe
Other Tower of Babel translations
By language |
By language family
[top]
You can support this site by Buying Me A Coffee, and if you like what you see on this page, you can use the buttons below to share it with people you know.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com
, Amazon.co.uk
and Amazon.fr
are affiliate links. This means I earn a commission if you click on any of them and buy something. So by clicking on these links you can help to support this site.
[top]
