1. Hmunan hesa kua, totoang atuil in se apan-kloma ki ngias, dehet nol apa nini dasi mes sii.
2. Neot mesan na, teng deng one la lakos seda bus el halin leol-saken, kon oen lius se dale titun mesa se Sinear, ti oen daad se las.
3-4. Oen totoang koo mesa le tek apa noan, "Kaka-pali me! Maa le kit bangun-pii kota tene mesa. Kit musti kutang dale, hidim kit tunun, le halin daid baut didi. Kit tode-toed baut nas nini ter. Hidim bangun-pii menara mesa, man tula ka lako pes se apan nua, le halin nam kit haup in naka. Nang le kit daid bangsa tene mesa, man bakisa-bakisan pait lo ka."
5. Kon AMA LAMTUA niu le ngat soba-naan kota na, nol menara man oen in bangun son na.
6. Hidim Un tek noan, "Atuil nias totoang bangsa mesa. Oen kon pake dasi-dehet mesa. Asa man oen in dake nia, halas-sam poh hmunan na na. Ola bingin dua, eta oen totoang butu-kil apa daid mes banansila el halas nia lam, mam oen daek nal asa tukun.
7. Banan dui ka Kit niu lako, le tao oen dasi-dehet ta daid dasi mamo, halin oen aa kam taan apa mes nol mes lo."
8. Kon nam, Ama Lamtua niu maa le tao didaan oen dasi-dehet ta. Nini ela lam, Un tao atuli las le holhising lako papmes se apan-kloma kia. Kon oen bangun napiut kota na pait lo.
9. Undeng na le oen ngali kota na ngala Babel, (man banansila el dasi mesa, man nahin na noan, 'nangan tanan lo'), lole AMA LAMTUA tao sisaek oen dasi-dehet ta, nol tao oen le holhising lakos se ola-ola, se papmes apan-kloma kia.
Source: Dehet Hmunan Hesa Kua. Ama Lamtua Allah koet apan-dapa kua nol apan-kloma kia. Genesis & New Testament in Helong language. Copyright © 2011 Unit Bahasa dan Budaya, GMIT (UBB-GMIT) http://www.e-alkitab.org
Contributed by Wolfgang Kuhl
Helong is a Timoric language spoken in the Kupang Regency of East Nusa Tenggara province in southern Indonesia.
Information about Helong | Numbers | Tower of Babel
Amarasi, Dawan (Uab Meto), Helong, Termanu, Tetum
By language | By language family
[top]
You can support this site by Buying Me A Coffee, and if you like what you see on this page, you can use the buttons below to share it with people you know.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com
[top]
