The Tower of Babel (Genesis 11: 1-9)
Guajajara / Tenetehara
Teko uzapo tàpuzaiha a'e wà
- A'e 'ar mehe teko paw uze'eg pitài ze'eg rupi a'e wà. Ze'eg wyzài ywy
rehe har nuzawy kwaw ze'eg amogwer ywy rehe har wà.
- Amo teko uhem ywy kwarahy ihemaw kutyr har wi a'e wà, amo
ae ywy ywate wera'i har Xinar rehe har pe oho pà wà, ywy apypepaw pe wà.
Uzapo weko haw a'e pe wà. Upyta a'e pe wà.
- Amo 'ar mehe amo uze'eg amogwer wanupe a'e wà kury. — Zaha ty wà, i'i
uzeupeupe wà. — Xiapo ywytàtà tetea'u nehe, tata pupe imuàtà pà nehe, i'i
uzeupeupe wà. Uzapo ywytàtà tetea'u wà. A'e rupi heta tetea'u ywytàtà
wanupe kury, tàpuz iapo haw romo kury. — Nezewe mehe naxiapo kwaw
tàpuz ita pupe zane nehe, i'i uzeupeupe wà. Nomono kwaw a'e ywy xig ma'e
ywytàtà wamyter pe wà. Omono iraity zàwenugar ywytàtà wamyter pe wà.
- Na'e uze'eg wi uzeupeupe wà kury. — Ko 'ar rehe xiapo tawhu zane nehe
kury. Tawhu myter pe xiapo tàpuzuhu aiha katu ma'e nehe no. A'e tàpuzuhu
aiha katu ma'e uhem putar ywak rehe a'e nehe, i'I uzeupeupe wà. — Nezewe
mehe teko ywy nànànar wenu putar zaneremiapo kwer imume'u haw a'e wà
nehe. Nezewe mehe ni amo nazanemuhàmuhàz kwaw ywy nànàn a'e wà nehe,
i'i uzeupeupe wà.
- Na'e Tupàn Tuweharupi Wiko Ma'e wezyw wà ywy rehe a'e kury, a'e tawhu
hexak pà a'e kury, a'e tàpuzuhu iaiha ma'e iapo pyr hexak pà a'e kury.
- — 'Awteko a'e wà, pitài teko romo wanekon a'e wà. Uze'eg
pitài ze'eg rupi wà. Uzypyrog ma'e iapo pà wà kury. Tàrityka'i upuner putar
wyzài wemimutar iapo haw rehe wà nehe, i'i
uzeupe.
- — Zawezyw putar wapyr nehe, waze'eg imuaiw pà nehe. Nezewe mehe
amo nuenu katu kwaw amogwer waze'eg a'e wà nehe kury. Ni amo nukwaw
kwaw amogwer waze'eg wà nehe.
- Nezewe Tupàn umuhàmuhàz a'e teko paw ywy nànàn a'e wà kury. Upytu'u a'e
tawhu iapo re wà.
- Mamew a'e tawhu her romo a'e. — Ma'e imuaiw pyrer, i'i her zaneze'eg rupi.
Ta'e Tupàn umuaiw ywy rehe har waze'eg upaw rupi a'e xe, ywy
nànàn teko wamuhàmuhàz pà a'e xe.
Source: Tupàn Ze'eg – A Bíblia Sagrada na língua guajajara (tenetehara) do
Brasil. Wycliffe Bible Translators, Inc., 2007.
Contributed by Wolfgang Kuhl
Information about Guajajara
http://www.ethnologue.org/language/gub
http://en.wikipedia.org/wiki/Guajajara
Tower of Babel in Tupí-Guaraní languages
East Bolivan Guaraní,
Guajajara,
Guaraní,
Mbyá Guaraní,
Western Bolivian Guaraní
Other Tower of Babel translations
By language |
By language family
[top]
You can support this site by Buying Me A Coffee, and if you like what you see on this page, you can use the buttons below to share it with people you know.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com
, Amazon.co.uk
and Amazon.fr
are affiliate links. This means I earn a commission if you click on any of them and buy something. So by clicking on these links you can help to support this site.
[top]
