1. Tura-tura angu, nehe ba por-alolang taang aabeta ang naung emangpi hur nu kolang vengmateng.
2. Uanguveng angu, nehe iiba angu tahit l muse, ini Sinear mi bir babira nu harak, angmuse ini angumi mihi.*
3-4.Ing emangpi itomi nu bot itat mateng hula, “Kaku naung! Mahe pi bendar eele nu ening. Pi malekang batu bata vengkarajang, bot iiat ening aaung-aaung. Senge pi aspal paket pasang metma taing taang amihing. Bot hava odo balolu nu etupa angu sampe burang mi, pi bakung atahing, senge pi piene aalaping. Aulang senge, ping emangpi aabetat bangsa eele nu kolang omimi, bot pi ekang por-alolang anga taang tarae-teapahing ekang.”
5. Angmuse LAHATALA Ana hela bendar ba ini ening, bot hava odo balolu ba ini bakung atahing angu euuling.
6. Angmuse Lahatala Ana mateng hula, “Manusia anga naung ing emangpi aabetat bangsa nu kolang, bot ini hur nu kolang vengmateng. Anga uhavede sehi se, ini ening alang. Kalo ing emangpi aabetat nu kolang alang sampe tobang-tiangaaru se, naba ba ini bae ening niang. Base mulai vede angase, naba ba ini veng iomit hula ening angu, emangpi bae lamal niang.
7. Lebe miaaung Pi hela ing ening ini tarae-teapahing, senge ini hur tatarat vengmateng. Aulang senge ing emangpi nu-nut ekang itaing manggarati ekang.”
8. Angmuse Lahatala Ana hela ing ening ini tarae-teapahing, bot ihur angu ening tarahaktavetang. Base ini tarae-teapahing lamal amal ila ved danangoa angmi mihit por-alolang anga miipi. Bot ini bae bendar angu taang ening niang iila.
9. Angu ebele bendar angu ini ene maveng hula, Babel, (evengbanang tarang se hula, ꞌTarahaktavetangꞌ), se angumi ba LAHATALA Ana ihur angu ening tarahak-tavetang, bot ing ening ini tarae-teapahing ila por-alolang anga miipi angu ebele.
* 11:2 ꞌIla ved danangoa angmiꞌ Ibrani ehur mi se, evengbanang tarang angu bisa hula, ꞌved danangoa edenaveng angmiꞌ. Sinear angu ene aabeung ba ꞌBabelꞌ angu.
Source: Sarenta halomang-halomang. Pura Alkitab. Genesis, Mark, and Acts in the Pura dialect of the Blagar language of Indonesia. Kejadian, Mark, dan Kisah di Pura dialek bahasa Blagar. UBB 2016.
Contributed by Wolfgang Kuhl
Information about Blagar | Tower of Babel in Blagar
Amele, Awara, Barai, Beami, Bimin, Binumarien, Blagar, Borong, Burum-Mindik, Dadibi, Faiwol, Guhu-Samane, Huli, Kamasau, Kamono, Kamula, Kanasi, Kanite, Komba, Kosarek, Kosena, Kyaka, Maia, Maring, Narak, Ngaing, Numanggang, Samberigi, Siroi, Tairora, Tuma-Irumu, Una, Waris, Waskia, Yali, Yipma, Yongkom
By language | By language family
[top]
You can support this site by Buying Me A Coffee, and if you like what you see on this page, you can use the buttons below to share it with people you know.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com
[top]
