1. Kitun, ay sissa tu aggúni datu ngámin tolay kid kalawagán ni, se sissa ya kabalìtán na.
2. Ay kane mawe da ka padne lattakán, ay nasingan da tu tanáp ka Sinar, ay naggunà da kitúni yin.
3 & 4. Ay se da nán kitu isaisa kaggída, “Mangwa tada kídi ka íli tada. Ay mangwa tada pe ka alingúdu pànang nga torre ya magiddadatang ka lángit, ta senu medin‑dinnámag tada kadaya tolay. Akkan tada pe masip‑siparà kiya kalawagán,” nán da. Ay tútu nán da kitu isaisa kaggída, “Ara nu, mangwa tada ka ladrilyu, ay kuwaan tada ka nakulnit tutu wala. Ay díkod nangwa da kurug ka ladrilyu nga ittu tu pinangdarupírip da. Ay ispaltu tu bátug pinagsumintu da.”
5. Ay kane madama da ngin na mangwa kitu íli se tu torre da, ay inumbet te APU, ta sinnan na tu kuk‑kuwaan da.
6. Ay kane masingan ne APU tu kuk‑kuwaan da, ay nán na, “Kurug ga sissa daya tolay. Tu yán ya anggayát da nga mangwa kiya piyán da kampela ngin nin. Ay màwa da tutu wala ngámin na asikkuwaan da, áta sissa mà ya aggúni da, ay magkiinnawátan da ngámin,” nán na.
7. “Ay mawe tada pagbal‑balakiyan ya aggúni da, ta senu akkan da magkiinnawátan,” nán na.
8. Ay díkod gapu kiya akkan da agkikinnawátan, ay nasip‑siparà da pe yin ki ngámin giyán kídi kalawagán. Ay tútu akkan da nabalin tu kuk‑kuwaan da nga íli.
9. Ay tútu nepangágan da ka Babel tun na giyán, áta pinagbal‑baláki ne Dios tu aggúni datu tolay kídi kalawagán. Ay tu pe tun tu namagsip‑ siparà ne APU kaggída ki ngámin giyán kídi kalawagán.
11:9 Ya sarut naya Babel ay nagbal‑baláki.
Source: Ya bàbànán ne Dios nga nesúrát kiya baru wa túlag Genesis se Exodus. Genesis, Exodus and the New Testament in Isnag of the Philippines [isd] Translation: © 2005, Wycliffe Bible Translators, Inc.
Contributed by Wolfgang Kuhl
Isnag is a Philippine language spoken in northern Luzon in the Philippines.
Information about Isnag | Numbers | Tower of Babel
Ata Manobo, Balangao, Bantoanon, Bikol, Bontoc, Cebuano, Cuyono, Hiligaynon, Iloko, Ifugao, Isnag, Itawis, Kagayanen, Kankanaey, Kapampangan, Keley-i, Kinaray-a, Malaweg, Maranao, Matigsalug Manobo, Pangasinan, Pangutaran Sama, Sangirese, Sarangani Blaan, Sarangani Manobo, Southern Kalinga, Tagabawà, Tagalog, Tagbanwa, Talaud, Tuwali, Waray-Waray, Western Bukidnon
By language | By language family
[top]
You can support this site by Buying Me A Coffee, and if you like what you see on this page, you can use the buttons below to share it with people you know.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com
[top]
